Медальгүй хүргэн

Хөх цэнхэр Далайн хөвөө хягаар нутагт Дорлиг өвгөн, Жавзан эмгэн хоёр дөрвөн охин, гурван хүргэний хамт амар жимэр амьдарч аж төрөн суудаг байжээ. Гэтэл тэдний бага охин Жаргалмаа өөрийн сэтгэлт залуу Галааг дагуулан ирж нэгэн зуныг хамт өнгөрөөнө. Шинэ хүргэн Галаагийн чин сэтгэлийн тус бүхэн санамсаргүй тохиолдлоор бүтэл муутай болохын сацуу хүргэн Алтай, Мөнгөн нарын атаа жөтөө биелэлийг олж харин хүргэн Хүрлээгийн тусч сэтгэл ачийг эс олно. Энэ бүхэн эцэстээ залуу хосын хайр дурлалын замналыг нэн ээдрээтэй болгоно. Тус кино нь эгэл жирийн малчин айлын амьдралаар Дархад угсаатны хэл ярианы соёлыг илэрхийлэх болон хүн байгалийн хоорондын шүтэлцэлээс байгаль эх дэлхийгээ хайрлан хамгаалах ухаарахуйг өгүүлсэн болно.